БАЛА ЖҮРЕГІНЕ ЖОЛ
«JAN AHUAL» психологиялық қолдау орталығының психологтары Роза Кушкинбаева мен Жұлдыз Ибашева Ақтөбе қаласы саябақтарында «Бала жүрегіне жол» атты ақпараттық-түсіндіру жұмыстарын жүргізді.
Іс-шара барысында ата-аналар мен балаларға бала тәрбиесіндегі психологиялық қолдаудың маңыздылығы, отбасында жылы әрі сенімді қарым-қатынас қалыптастыру, баланың эмоционалдық жағдайына көңіл бөлу, қауіпсіз орта құру және оның пікірін тыңдай білудің мәні жан-жақты түсіндірілді.
Сонымен қатар ата-аналарға күнделікті өмірде қолдануға болатын пайдалы психологиялық кеңестер беріліп, ақпараттық жадынамалар таратылды.
Балалармен еркін әрі жылы әңгімелесу арқылы олардың көңіл-күйі мен ой-пікірлеріне назар аударылып, сенімге негізделген қарым-қатынастың бала дамуына тигізетін оң әсері кеңінен насихатталды.
