ҚАУІПСІЗДІК ТУРАЛЫ АШЫҚ ӘҢГІМЕ
Ақтөбе сервис колледжінің 1-курс студенттерімен «Психологиялық қауіпсіздік — менің таңдауым» тақырыбында психологиялық тренинг өтті.
«JAN AHUAL» психологиялық қолдау орталығының әдіскері Ботагөз Қосмағамбетова студенттермен жеке шекараны сақтау, өз сезімдерін түсіну және дұрыс жеткізу, өзін-өзі құрметтеу, жеке қауіпсіздік пен жауапкершілік мәселелері бойынша ашық әңгіме жүргізді.
Студенттер түрлі психологиялық жаттығулар мен жағдаяттық тапсырмаларға қатысып, өз ойларымен бөлісті. Сондай-ақ бір-бірін тыңдау мен құрметтеудің маңыздылығына назар аударылды.
Сонымен қатар ермексазды пайдалана отырып, арт-терапиялық жұмыстар жүргізілді. Шығармашылық жұмыс арқылы қатысушылар өз эмоцияларын білдіріп, ішкі сезімдерін түсінуге, жағымды көңіл күй қалыптастыруға және эмоционалдық жай-күйін реттеуге мүмкіндік алды.
