ТРЕНЕРЛЕР МЕН СУПЕРВАЙЗЕРЛЕРДІ КЕЙС-МЕНЕДЖМЕНТ ПЕН ЖАН ЖАРАҚАТЫНА НЕГІЗДЕЛГЕН ТӘСІЛ БОЙЫНША ОҚЫТУ БАСТАЛДЫ
«Өркен» балалардың әл-ауқатын арттыру ұлттық ғылыми-практикалық институты» (БӘАҰҒПИ) КеАҚ мен БҰҰ Балалар қорының (ЮНИСЕФ) Қазақстандағы өкілдігі арасындағы 2025 жылға арналған Ынтымақтастықтың жұмыс жоспары шеңберінде 18 наурызда еліміздің барлық өңірінен келген тренерлер мен супервайзерлерді кейс-менеджмент пен жан жарасына негізделген тәсіл бойынша оқыту басталды.
Бағдарлама білім беру ортасында заманауи жұмыс әдістерін меңгерген мамандарды даярлау арқылы жан жарасын бастан кешірген балаларды қолдаудың тұрақты жүйесін қалыптастыруға бағытталған.
Оқыту барысында қатысушылар жан жарасына негізделген тәсілдің негіздерін, жан жарасының баланың танымдық, эмоционалдық және әлеуметтік дамуына әсер ету ерекшеліктерін зерделейді, жан жарасын бастан кешірген балалармен өзара іс-қимылдың тиімді әдістемелерін меңгереді.
Сонымен қатар, бағдарлама балалар және ата-аналармен жүргізілетін профилактикалық жұмысты қамтиды. Қатысушылар тәуекел факторларын ерте анықтау әдістерімен, балалар мен ата-аналардың сенімге негізделген қарым-қатынасын құру принциптерімен және білім беру мекемелерінде психологиялық қауіпсіздік ортасын құру әдістерімен танысады.
ЮНИСЕФ-тің қолдауының арқасында «Өркен» БӘАҰҒПИ шығармашылық тобы жан жарасы оқиғаларын бастан кешірген балалар мен жасөспірімдерді психологиялық-педагогикалық қолдауға бағытталған «Ішкі күш» тренингтік бағдарламасын әзірледі.
Бұл оқыту мамандарды даярлау деңгейін арттырады, балаларды жеке және топтық қолдаудың тиімді тетіктерін енгізеді, сондай-ақ жан жарасына ұшырау қаупі факторларының алдын алу және ерте анықтау жүйесін дамытуға ықпал етеді деп күтілуде.
