«EQ-LAB» ЖОБАСЫ: №28 ОРТА МЕКТЕБІ
«JAN AHUAL» психологиялық қолдау орталығының «EQ-LAB» оқушыларға арналған жобасы аясында №28 орта мектебінің 8-сынып оқушыларына орталық әдіскері Ботагөз Қосмағамбетованың ұйымдастыруымен «Эмоциялар лабораториясы» атты ойын түріндегі тренингтер сериясы өтті.
Мақсат — оқушылардың өз эмоцияларын тануына, оларды басқаруды үйренуіне, сондай-ақ өзара түсіністік пен эмпатияны қалыптастыру арқылы тұлғалық дамуына қолдау көрсету.
Іс-шара барысында білім алушылар эмоцияларымен бөлісіп, ішкі сезімдері мен әсерлерін ашық жеткізді.
Тренинг аясында оқушылардың эмоциялық тәжірибесін бейнелейтін шағын бейнероликтер көрсетіліп, психологиялық-профилактикалық сүйемелдеу жұмыстары жүргізілді. Сонымен қатар, эмоциялық сауатты арттыруға бағытталған ойындар, топтық тапсырмалар мен тәжірибелік жаттығулар ұсынылды.
