«ИНСАЙТ» РЕСУРС КЛУБЫ: АҚТӨБЕ ИНДУСТРИАЛДЫ-КӘСІПТІК КОЛЛЕДЖІ
Ақтөбе индустриалды-кәсіптік колледжінде «Инсайт» ресурс клубы жобасы аясында тренинг ұйымдастырылды.
«JAN AHUAL» психологиялық қолдау орталығының әдіскері Гүлжанат Сейітова оқытушылармен «Педагогтің кәсіби күйреуінің алдын алу» тақырыбында мазмұнды жұмыс өткізді.
Іс-шара педагогтерге эмоциялық қажу мен кәсіби жанудың алдын алу жолдарын түсіндіріп, сондай-ақ оны еңсеруге көмектесетін ішкі және сыртқы ресурстармен таныстыру және оларды тәжірибеде тиімді қолдануға бағытталды.
Қатысушылар өзара тәжірибе алмасып, «Кешірім жәшігі», «Кәсіби жануға қарсы 5 ресурс» жаттығулары арқылы кәсіби күйзелісті басқарудың тиімді тәсілдерін меңгерді.
Тренинг педагогтердің психологиялық саулығын нығайтып, кәсіби мотивациясын арттыруға және жұмыс сапасын жақсартуға оң ықпал етті.
