БАЛАНЫ ҚОЛДАУ — ОТБАСЫНАН БАСТАЛАДЫ
Отбасы күніне орай Ақтөбе қаласы М.Мақатаев атындағы №73 орта мектебінде «Ерекше қажеттіліктері бар балалардың ата-аналарын педагогикалық-психологиялық сүйемелдеу әдістері» тақырыбында ата-аналарға арналған психологиялық диалогтік алаң өтті.
«JAN AHUAL» психологиялық қолдау орталығының директоры Меруерт Жұбандықова «Баланы қабылдау — өзімді қабылдаудан басталады» тақырыбында ой қозғап, ата-ананың баласын қабылдауы мен өзінің ішкі эмоционалдық жағдайының маңыздылығына тоқталды.
Орталық психологы Дана Таңжарбаева «Менің баламның күші» тақырыбында психологиялық жаттығу өткізіп, ата-аналарға баланың бойындағы жағымды қасиеттері мен мүмкіндіктерін байқауға бағытталған тапсырмалар ұсынды.
Орталық директорының орынбасары Медеухан Жасжанова «Ата-ананың эмоционалдық ресурсы» тақырыбында практикалық жаттығу өткізіп, ата-ананың өз эмоционалдық жағдайын түсінуі және ішкі ресурсын сақтауының маңыздылығын атап өтті.
Орталықтың бөлім меңгерушісі Ментай Телағысова «Балаға қолдау көрсетудің тиімді тәсілдері» тақырыбында пайдалы техникалармен бөлісіп, күнделікті қарым-қатынаста қолдануға болатын тиімді әдістерді таныстырды.
Диалогтік алаң барысында ата-аналар өздерін толғандырған сауалдарын қойып, пікірлерімен бөлісті. Кездесу соңында қатысушылар ұйымдастырушыларға алғыстарын білдірді.
