ОНЛАЙН-СЕМИНАР: ҚОСТАНАЙ ОБЛЫСЫНЫҢ ПСИХОЛОГИЯЛЫҚ ҚЫЗМЕТТЕРІН НОРМАТИВТІК ҚАМТАМАСЫЗ ЕТУ
24 қаңтар күні Өңірлік оқу-әдістемелік психологиялық қолдау және тәрбие жұмысы орталығының (ПҚӨОӘӨжТЖ) мамандары 2025 жылы білім беру ұйымдарының психологиялық қызметтері қызметі бойынша онлайн-семинар өткізді. Семинарға 270 адам қатысты: қалалар мен аудандардың білім бөлімдерінің психологиялық бағытты қадағалайтын әдіскерлері, ПҚӨОӘӨжТЖ желілік үйлестірушілері, тәрбие жұмысы бойынша директор орынбасарлары, мектептер мен колледждердің педагог-психологтары, әлеуметтік педагогтары.
Өңірлік орталықтың директоры Елена Александровна Петренко психологиялық қызметтердің жұмысы ҚР Оқу-ағарту министрлігінің бұйрығы мен Қостанай облысының білім беру ұйымдарының психологиялық қызметі туралы Ережеге сәйкес жүргізілетінін атап өтті. ПҚӨОӘӨжТЖ психолог мамандардың жүйелі жұмысына, мектептерде психологиялық жайлы орта құруға ерекше көңіл бөледі.
Семинар барысында бірқатар мәселелер қаралды. Жобалық офис міндеттерін жүзеге асыруға қатысты Е.А. Петренко облыстың 10 пилоттық мектебінде үшінші тоқсанның басында «КодАктив: Жедел көмек бағдарламасы» атты авторлық буллингке қарсы жобасы іске қосылғанын хабарлады. 24 қаңтардағы мәлімет бойынша, мектептерде орналастырылған QR-кодтар арқылы оқушылардан 18 өтініш түскен! Бұл ПҚӨОӘӨжТЖ-ның бастамасымен жасалған бағдарламаның оқушылар арасында сұранысқа ие екенін көрсетеді.
Семинар аясында психологиялық қызметтердің жұмысын автоматтандырылған ППМАЖ «HR+» платформасы арқылы жетілдіру, облыстық жобаларды жүзеге асыру, өңірлік кәсіби байқауларды өткізу және психологиялық қызмет мамандарын жоспарлы түрде оқыту мәселелеріне ерекше назар аударылды.
