«Іздену. Білім. Тәжірибе тарату» тақырыбындағы семинар өтті
2025 жылғы 14 ақпан күні «JAN AHUAL» психологиялық қолдау орталығының жоспарына сәйкес облыстық білім беру ұйымдарының психолог мамандарының қатысуымен «Іздену. Білім. Тәжірибе тарату» тақырыбында семинар өтті. Іс-шара барысында аудан педагог-психологтары өз іс-тәжірибелерімен бөлісті.
Алға ауданы, Тоқмансай орта мектебінің педагог-психологі К.Ж. Құнаева «Аутодеструктивті мінез ерекшеліктері бар оқушылармен жүргізілетін қарым-қатынас жаттығулары» тәжірибесімен бөлісті. Сонымен қатар, Әйтеке би ауданы, Мамыт негізгі орта білім беретін мектебінің педагог-психологі С.О. Оразбаева «Жасөспірімдердің қарым-қатынасын тренингтер арқылы қалыптастыру» атты тәжірибесін ұсынды.
Семинар барысында әдістемелік таратпа материалдар ұсынылып, сұрақ-жауап, пікір алмасу алаңы құрылды. Қатысушылар белсенділік танытып, өз кәсіби қызметінде қолданатын жаңа идеялармен толықты. Семинар соңында іс-тәжірибе таратқан мамандарға Алғыс хаттар табыс етілді.
