ҚОСТАНАЙ ОБЛЫСЫНДА ЛУДОМАНИЯ МЕН ОЙЫНҚҰМАРЛЫҚТЫҢ АЛДЫН АЛУ
Лудомания – құмар ойындарға патологиялық әуестік – бүгінде жеке отбасының ғана емес, тұтас қоғамның психологиялық саулығына қауіп төндіріп отыр.
2024-2026 жылдарға арналған Қазақстан Республикасында заңсыз ойын бизнесі мен лудоманияға қарсы күрес жөніндегі Кешенді жоспар аясында бұл зұлымдықпен барлық деңгейде күрес жүргізілуде.
Қостанай оқу-әдістемелік психологиялық қолдау және тәрбие жұмысы орталығы (ӨОӘПҚжТЖ) құрылған күннен бастап балалардың әл-ауқаты үшін барлық мүмкіндікті жасап келеді. Біз білім беру мекемелеріндегі психологиялық қызметтердің жұмысын үйлестіріп, оқушыларға арналған сенім телефоны (37-08-58) мен бетпе-бет кеңестер ұйымдастырамыз.
Лудоманияның алдын алу үшін өміршеңдік, күйзеліске төзімділік, оң көзқарас пен өмірлік қиын жағдайларда конструктивті мінез-құлық дағдыларын қалыптастыру мақсатында облыстық бірыңғай сынып/кураторлық сағат өткізілді. Оның тақырыбы – «Әлем қандай керемет қарашы!»
Бұл іс-шараның тікелей қатысушылары – білім беру ұйымдарының 5-11 сынып оқушылары мен 1-4 курс студенттері. Биыл бұл шарамен 81 510 адам қамтылды!Тақырып бойынша тікелей әңгімелесуден бөлек, балалар орталық мамандары әзірлеген ұсыныстық сипаттағы әдістемелік нұсқаулықтар мен буклеттер алды.Бұл материалдарда эмоцияларды басқару, күйзелісті жеңу стратегиялары және салауатты әдеттерді қалыптастыру бойынша пайдалы кеңестер бар.
Ал 26 ақпаннан бастап облыстағы барлық білім беру ұйымдарында (33 колледж және 433 мектеп) «Стресс бақылауда» тренингтері өткізілді. Бұл тренингтер оқушылардың күйзеліске төзімділігін, эмоционалдық реттелуін дамытуға және лудоманияның алдын алуға бағытталған. Тренинг барысында оқушылар мен студенттер тәуелділік белгілерін қалай тануға болатынын және көмекке қайда жүгінуге болатынын білді.Тренингтерге қатысқан кәмелетке толмағандардың саны – 83 620 адам, бұл 5-11 сынып оқушылары мен 1-4 курс студенттерінің жалпы санының 92%-ын құрайды.
Бұл бағыттағы профилактикалық жұмыс ӨОӘПҚжТЖ тарапынан жалғасын табуда!
