КӘМЕЛЕТКЕ ТОЛМАҒАНДАРДЫҢ ІСТЕРІ ЖӘНЕ ОЛАРДЫҢ ҚҰҚЫҚТАРЫН ҚОРҒАУ ЖӨНІНДЕГІ ВЕДОМСТВОАРАЛЫҚ КОМИССИЯНЫҢ ОТЫРЫСЫ ӨТТІ
Бүгін ҚР Балалар құқықтары жөніндегі уәкілі Динара Закиеваның қатысуымен Алматы қаласы әкімі жанындағы кәмелетке толмағандардың істері және олардың құқықтарын қорғау жөніндегі ведомствоаралық комиссияның отырысы өтті. Отырыс барысында «Әйелдердің құқықтары мен балалардың қауіпсіздігін қамтамасыз ету жөніндегі шараларды іске асыру туралы» тақырыбы талқыланды.
Отырыс барысында Динара Зәкиева Қазақстанда бала құқықтарын қорғау проблемалары туралы баяндама жасады. ҚР Балалар құқықтары жөніндегі уәкілі елімізде балаларды қорғау, олардың қауіпсіздігін қамтамасыз ету мақсатында қажетті заңдар қабылданғанын хабарлады. Әсіресе, тұрмысы нашар отбасы ретінде есепте тұрған отбасыларды атап өтті. Баяндама барысында қолайсыз санаттағы отбасылар анықталған жағдайда әрекет ету алгоритмі мәселелері көтерілді. Қазіргі уақытта Мәдениет және ақпарат министрлігі Отбасын қолдау орталықтары мен мобильді топтар үшін оқыту ұйымдастырды. Қамқорлық органдары мамандарының саны туралы мәселе көтерілді: қалада мамандар тапшылығы байқалады және оларды қабылдау мен даярлауды күшейту ұсынылады.
Динара Зәкиева ювеналды полицияның, қорғаншы және қамқоршы органдардың, сондай-ақ Отбасын қолдау орталықтарының үйлесімді өзара іс-қимылы балалардың құқықтарын қорғаудың маңызды құрамдас бөлігі болып табылатынын атап өтті.
Психологиялық қолдау орталықтары да жүйелі диагностика проблемаларымен бетпе-бет келуде. Дәл осы диагностика балаларға уақытылы көмек көрсетудің маңызды құрамдас бөлігі болып табылады. Сондай-ақ анықталған жағдайда ден қою алгоритмін жеткізу маңызды. Көбінесе әлеуметтік немесе дене зорлық-зомбылығымен байланысты психологиялық проблемалардың себебімен жұмыс істеу өте маңызды.
Дина Ғабдилханқызы Қасымова «Балалардың құқықтарын қорғау орталығы» КММ жұмысы туралы айтып берді. Бала құқықтары бұзылған жағдайда мобильдік әрекет етудің маңыздылығы атап өтілді. Орталықтың өз міндеттеріне сәйкестендіру, қолдау көрсету алгоритмін әзірлеу және баланың құқықтарын қорғау үшін мүдделі органдарға жолдау кіреді.
