ПИЛОТТЫҚ БІЛІМ БЕРУ ҰЙЫМДАРЫНДА «ДосболLIKE» БАҒДАРЛАМАСЫН ІСКЕ АСЫРУ БАРЫСЫ ТУРАЛЫ
31 наурызда «Өркен» балалардың әл-ауқатын арттыру ұлттық ғылыми-практикалық институты Ұлытау облысының педагогтері үшін «Пилоттық білім беру ұйымдарында «ДосболLIKE» бағдарламасын іске асыру барысы туралы» онлайн-вебинарын өткізді.
Вебинардың негізгі мақсаты – «ДосболLIKE» бағдарламасын пилоттық сынақтан өткізуге қатысатын білім беру ұйымдарының практикалық тәжірибесін талқылау, буллингтің алдын алу бойынша ағымдағы жұмысты талдау, сондай-ақ бағдарламаны іске асырудың алдағы кезеңдері бойынша шешімдер әзірлеу.
Бағдарламаны енгізу барысы туралы №1 жалпы білім беретін мектеп директорының тәрбие жұмысы жөніндегі орынбасары Салтанат Қанатқызы Даирова баяндама жасады.
№133 мектептің және М. Шаханов атындағы тірек мектебінің педагог-психологтері оқушылар арасында буллингті анықтау және білім беру ортасында қолайлы психоэмоционалды климат құру бойынша өз әзірлемелерін бөлісті.
Вебинар барысында қатысушылар бағдарламаны іске асыруға байланысты ағымдағы проблемалар мен жетістіктерді талқылады, сондай-ақ оны жетілдіру және білім беру ұйымдарының ерекшеліктеріне бейімделу бойынша алдағы қадамдарды белгіледі.
