«ІШКІ КҮШ» ТРЕНИНГТЕР СЕРИЯСЫ ҚОСТАНАЙДА БАСТАУ АЛДЫ!
Қостанай облысы әкімдігі ББ Психологиялық қолдау және тәрбиелік жұмыс өңірлік орталығы ЮНИСЕФ-тің республикалық бағдарламасы аясында алғашқы «Ішкі күш» тренингін өткізді. Бұл бағдарлама күйзеліс пен психологиялық жарақаттан кейінгі жағдайды бастан өткерген балалар мен ата-аналарға қолдау көрсету мен психологиялық көмекке бағытталған.
Бағдарламаның негізгі аспектілері қатысушыларға қауіпсіздік сезімін қалпына келтіруге, эмоцияларын түсінуге және білдіруге, ішкі ресурстарын тануға және қиын жағдайлардан шығудың тұрақты стратегияларын қалыптастыруға көмектеседі. Бағдарламада балалармен және олардың ата-аналарымен қатар жұмыс жүргізіледі, бұл бүкіл отбасы үшін қолдаушы орта құруға мүмкіндік береді.
Тренингтер топтамасы 4 кездесуден тұрады. Әр кездесу екі бөлімнен құралады. Алдымен мамандар балалармен және ата-аналармен бөлек жұмыс істейді. Ата-аналар сабақ барысында балаларға қалай дұрыс қолдау көрсетуге болатынын, өз эмоцияларымен қалай күресу керек екенін және үйде сенімге толы атмосфераны қалай құруға болатынын үйренеді. Кейін екі топ бірігіп, өз ойларымен бөлісіп, жаңа қарым-қатынас тәсілдерін қолданып көреді және бір-бірін жақсырақ түсінуді үйренеді.
Алғашқы тренингтің қатысушылары – Қостанай қаласындағы №8 мектептің 4-5 сынып оқушылары болды. Топпен жұмыс балалар мен ересектердің қызығушылығын тудырды. Балалар мен ата-аналар бірігіп жұмыс істегенде көп жағымды эмоциялар мен жылы лебіздер айтылды. Мұндай жұмыс форматы барлығына ұнады!
Тренинг соңында қатысушыларға «Эмоцияларды саналы түрде қабылдау дағдыларын қалай дамыту керек» атты жадынама табысталды.
