Жаңалықтар

Жазғы демалыстың басталуымен Қостанай облысының барлық білім беру ұйымдарында Психологиялық қолдау және тәрбие жұмысының өңірлік оқу-әдістемелік орталығының – "Психологиялық қолдаудың жазғы алаңдары" облыстық жобасы басталды. Жоба 6 жылдан бері сәтті жүзеге асырылып келеді және өзін жазғы демалыс кезінде балаларды сүйемелдеудің тиімді тәжірибесі ретінде көрсетті.

Биыл өңірде 395 алаң жұмыс істейді, оған 9 177 білім алушы және 1 561 педагог қатысады. - Жазғы алаңдар жай ғана демалыс орнына айналған жоқ – бұл балалар қарым-қатынасты, өзін-өзі көрсетуді, командада жұмыс істеуді және эмоционалды интеллектті дамытуды үйренетін кеңістік. Психологтар қол жетімді және ойын түрінде балаларға, әсіресе "ерекше назар аударатын" топтағы балаларға алаңдаушылықты жеңуге көмектеседі", - дейді Өңірлік орталықтың директоры Елена Петренко.

Тренингтер, арт - және дене жаттығулары, ойын және топтық формалар арқылы жүзеге асырылатын жұмсақ профилактика мен психологиялық қолдауға ерекше назар аударылады. Сонымен бірге балалар серуендеуге, кинотеатрларға, театрларға барып, жарқын эмоциялар мен жағымды қарым-қатынас тәжірибесін алады.

Алаңдардың форматы көрсетеді: психологиялық жұмыс қызықты, оңай және тиімді болуы мүмкін. Сондықтан олар балалар мен олардың ата-аналары арасында танымал!