БАЛАНЫҢ ПСИХОЛОГИЯЛЫҚ САУЛЫҒЫ — БАСТЫ НАЗАРДА
Ойыл қазақ орта мектебінде «Сенім. Тірек. Кеңістік» тақырыбында оқыту семинары өтті.
Оған білім беру ұйымдарындағы психологиялық қызметке жауапты әдіскерлер, мектеп директорлары, оқу-тәрбие ісі жөніндегі орынбасарлар, педагог-психологтар, әлеуметтік педагогтер, сынып жетекшілері және ата-аналар мен оқушылар қатысты.
Іс-шара барысында орталық директорының орынбасары Арайлым Тоқсанбаева ұйымдастырылып отырған шараның маңыздылығына тоқталды.
Семинар аясында келесі өзекті тақырыптар қамтылды:
«Үлкендердің бірлігі баланы сақтайды» — орталық психологы Гүлжан Рахимова
«Мобильді топ ережесі», «Бала қажеттілігінің дамуы және ата-ана рөлі» — әдіскер Сәндігүл Байдуашова
«Қазіргі оқушының психологиялық денсаулығы» — бөлім меңгерушісі Медеухан Жасжанова.
Семинарда психологиялық тұрақтылықты одан әрі арттырып, сенімді әрі қауіпсіз орта қалыптастыру, бала мен жасөспірімдерге психоэмоционалдық қолдау көрсету жолдары кеңінен талқыланып, қатысушылармен кері байланыс жүргізілді.
