«Орта білім беру ұйымдарында жәбірлеудің (буллингтің) алдын алудың «ДосболLIKE» бағдарламасын ендіру аясында балалардың психологиялық әл-ауқатын қамтамасыз етуге арналған психологиялық қолдау орталықтарының қызметкерлері мен педагогтерге арналған тренингі
2025 жылдың 2–5 қыркүйек аралығында Қазақстанның барлық 17 облысы мен 3 қаласында «Орта білім беру ұйымдарында жәбірлеудің (буллингтің) алдын алудың «ДосболLIKE» бағдарламасын ендіру аясында балалардың психологиялық әл-ауқатын қамтамасыз етуге арналған психологиялық қолдау орталықтарының қызметкерлері мен педагогтерге арналған тренингілік-семинарлар өткізілуде.
Семинарға әр өңірден психологиялық қолдау көрсету орталықтарының қызметкерлері, басшылары, педагогтер мен педагог-психологтер қатысуда.
Семинардың мақсаты – орта білім беру ұйымдарында буллингтің алдын алуға бағытталған тиімді стратегияларды меңгеру арқылы балалардың қауіпсіз және қолайлы психоэмоционалды ортасын қалыптастыру. Сонымен қатар, педагогтер мен ата-аналардың әрекет ету алгоритмдерін нақтылап, мектептегі психологиялық қызметтің тиімділігін арттыру.
Семинар барысында келесі бағыттар қамтылды:
Бағдарламаны іске асырудың негізгі бағыттары мен міндеттері
Әкімшілік басқару және қолдау әрекеттері
Диагностикалық кезеңдер және нәтижелерді талдау
Педагогтер мен ата-аналардың өзара әрекеттесу алгоритмдері
Психологиялық қызметтің жұмыс формалары мен әдістері
Семинар педагогикалық қауымдастық үшін тәжірибе алмасуға, жаңа білім мен практикалық дағдыларды меңгеруге арналған тиімді алаң ретінде ұйымдастырылды.
