Психологиялық қолдау орталықтары «ДосболLIKE» бағдарламасы бойынша оқытудан өтуде
Алматы қаласында республикалық семинар өтіп жатыр, онда Психологиялық қолдау орталықтарының директорлары буллингпен күресудің жаңа құралдарын меңгеруде. Олар өңірлердегі «ДосболLIKE» бағдарламасының негізгі таратушыларына айналып, мектептер мен колледждерде балалар үшін қауіпсіз орта қалыптастыруға көмектеседі.
«Буллинг – жасөспірімдер арасында эмоционалдық күйзеліс пен суицидтік мінез-құлықтың негізгі қауіп факторларының бірі болып қала береді. Мамандар балаларды дағдарыс жағдайында ерте анықтап, сүйемелдеу үшін заманауи құралдарға ие болуы өте маңызды», — деді «Өркен» Ұлттық ғылыми-практикалық институтының президенті Елена Сакенова.
Оқыту бағдарламасы шағын форматта өтуде және проективті әдістер бойынша интерактивті сессияларды, интервизия бойынша шеберлік сабақтарын және күрделі жағдайларды талдауды қамтиды. Қатысушылар жасырын буллинг түрлерін анықтауды және психологиялық көмектің тиімді жолдарын құруды үйренуде.
Еске салайық, 2025 жылдың 1 қыркүйегінен бастап отандық «ДосболLIKE» бағдарламасы еліміздің барлық мектептері мен колледждерінде енгізіліп, білім беру ортасында буллингтің алдын алудың негізгі құралына айналады.
