МЕДИА МЕН КИНОНЫҢ ЖАСӨСПІРІМДЕР ПСИХОЛОГИЯСЫНА ЫҚПАЛЫ
«JAN AHUAL» психологиялық қолдау орталығының бөлім меңгерушісі Майра Сәрсенғалиева «Медиа мен киноның жасөспірімдер психологиясына ықпалы: құқықтық нормаларды бұзу модельдері» тақырыбында педагогтерге арналған воркшоп өткізді.
Іс-шара мақсаты — педагогтердің медиасауатын арттырып, жасөспірімдерге теріс мінез-құлық үлгілерінің әсерін болдырмау және құқықтық мәдениетті қалыптастыру.
Воркшоп барысында орталық директоры Меруерт Жұбандықова жасөспірімдерге әсер ететін медиаконтент түрлерін талдап, кино мен әлеуметтік желілердегі мінез-құлық үлгілерінің психологиялық ықпалын түсіндірді. Сондай-ақ, құқық бұзушылықтың алдын алу жолдары ұсынылды.
Педагогтер пікірталасқа белсенді қатысып, «Кейіпкер бейнесі» тақырыбында өз ойлары және тәжірибелерімен бөлісті.
Шарада нақты ұсыныстар мен әдістемелік құралдар қарастырылып, қатысушыларға практикалық бағыт-бағдар берілді.
Қорытындысында мамандар медиасауат пен құқықтық мәдениет бойынша білімдерін тереңдетіп, оны оқу-тәрбие процесінде тиімді қолдануға дайын екендіктерін айтты.
