«Үздік психологиялық-педагогикалық қолдау қызметі» алғашқы облыстық байқауы табысты өтті!
Абай облысы білім басқармасының «Өңірлік психологиялық қолдау әдістемелік орталығы» КММ ұйымдастыруымен бұл байқау облыста алғаш рет өткізілді.
Байқауға облыстың 20 білім беру ұйымының психологиялық-педагогикалық қолдау қызметінің командалары қатысты. Қатысушылар қатарында директордың тәрбие ісі жөніндегі орынбасарлары, педагог-психологтар, әлеуметтік педагогтер, педагог-ассистенттер және кәсіби бағдар беру мамандары болды.
Байқау барысында қатысушылар кәсіби шеберліктің жоғары деңгейін, командалық бірлікті және білім алушыларды, ата-аналарды және педагогтерді психологиялық-педагогикалық сүйемелдеудегі инновациялық тәсілдерді көрсетті. Сонымен қатар, олар «тәуекел тобына» жататын балалармен жұмыстағы тиімді тәжірибелерін ұсынды.
Байқау бағдарламасына келесі кезеңдер енді:
Қызметтің құрылымын, жұмыс бағыттарын және даму болашағын таныстырған TEDx-презентация;
Қызметтің күнделікті жұмысын бейнелейтін «Қызметтің бір күні» атты бейнеролик;
Мамандардың нақты жағдаяттық кейстерді бірлесе талдап, тиімді шешім қабылдау дағдыларын көрсететін шығармашылық тапсырма.
Қазылар алқасының құрамына тәрбиелік жұмыс, педагогика және психологиялық-педагогикалық сүйемелдеу салаларындағы жетекші мамандар, сондай-ақ инклюзивті және қосымша білім беру бағыттарының сарапшылары кірді. Командалар кәсібилік, инновация, командалық өзара іс-қимыл және ұсынылған тәжірибелердің тиімділігі бойынша бағаланды.
Байқау қорытындысы бойынша үздік тәжірибе көрсеткен және жоғары кәсіби деңгейін дәлелдеген жеңімпаздар мен жүлдегерлер анықталды.
«Бұл байқау психологиялық-педагогикалық қолдау қызметінің маңыздылығын айқын көрсетті. Мамандардың кәсібилігі, бірлігі мен креативтілігі білім беру ортасын әр бала үшін қауіпсіз, қолдаушы және шабыттандыратын кеңістікке айналдырады», — деп Психологиялық қолдау орталығының директоры И.Тагиева атап өтті.
Бұл байқау тәжірибе алмасуға, тиімді әдістемелерді таратуға және балалар мен педагогтер үшін психологиялық тұрғыдан қауіпсіз әрі қолдаушы орта қалыптастыруды мақсат еткен кәсіби қауымдастықтың ынтымақтастығын арттыруға бағытталған маңызды алаң болды.
