АТА-АНАЛАРДЫ ПЕДАГОГИКАЛЫҚ ҚОЛДАУ ОРТАЛЫҒЫ АЯСЫНДА ӨТКЕН СЕМИНАРҒА ЖАМБЫЛ ОБЛЫСЫНЫҢ 360 АСТАМ ПЕДАГОГІ ҚАТЫСТЫ
«Адамның үйлесімді дамуы ұлттық институты» КЕАҚ (МДМҒЗИ) Жамбыл облысының білім басқармасымен бірлесіп, ата-аналарды педагогикалық қолдау орталықтарының жұмысына жауапты аудандық және қалалық білім бөлімдерінің әдіскерлеріне, шығармашылық жұмыс тобының мүшелеріне – директорлардың тәрбие жұмысы жөніндегі орынбасарларына, әлеуметтік педагогтар мен мектеп психологтарына арналған өңірлік семинар өткізді.
Семинар жұмысына облыстың білім беру ұйымдарының 360-тан астам мамандары қатысты, олар отбасылық тәрбие және отбасы мен мектептің өзара іс-қимылы мәселелері бойынша тәжірибе алмасты.
Семинардың пленарлық отырысында Жамбыл облысында ата-аналарды педагогикалық қолдау орталығын ұйымдастыру туралы ақпаратпен Жамбыл облысы әкімдігі білім басқармасының оқу-әдістемелік орталығының басшысы Шахризада Асылбекқызы Усерова бөлісті.
Ғылыми-әдістемелік қамтамасыз ету және қолданбалы зерттеулер департаментінің директоры Г. У. Сағымбаева, ғылыми-зерттеу бөлімінің жетекші ғылыми қызметкері А. Х. Мұхтаров және ғылыми-әдістемелік бөлімнің ғылыми қызметкері Е. С. Шайланов ата-аналарды педагогикалық қолдау орталығын ұйымдастыру, істердің ағымдағы жай-күйі және одан әрі даму мүмкіндіктері, гүлденген отбасы мен ата-ана мәдениетін қалыптастыру, ата-аналарды жоспарлау және орталықтың қызметін жетілдіру туралы баяндады.
Секциялық отырыстарда ата-аналарды педагогикалық қолдау орталығы шеңберінде баланың физикалық, танымдық, эмоционалдық дамуы мен әлеуметтік әл-ауқатының практикалық әдістерімен алмасу өтті.
Семинар соңында қатысушыларға ата-аналарды педагогикалық қолдау орталықтарының жұмысын ұйымдастыру, өткізу және қиындықтарды жеңу бойынша ұсыныстар берілді.
