«ПЕДАГОГТЕР МЕН АТА-АНАЛАР: БАЛАЛАРДЫҢ МҮДДЕСІ ҮШІН ДОСТАСТЫҚ» РЕСПУБЛИКАЛЫҚ БАЙҚАУЫ ЕЛІМІЗДІҢ БАРЛЫҚ ӨҢІРЛЕРІНІҢ 700-ДЕН АСТАМ ПЕДАГОГІН БІРІКТІРДІ
Ата-аналарды педагогикалық қолдау орталықтары шеңберінде оқыту деңгейін арттыру және сапасын тереңдету, ата-аналарға психологиялық-педагогикалық білім беруді тікелей жүзеге асыратын педагогтердің шығармашылық әлеуетін ашу және іске асыру мақсатында «Педагогтер мен ата-аналар: балалардың мүддесі үшін достастық» республикалық байқауы ұйымдастырылып, өткізілді.
Конкурстың міндеті – ата-аналарды педагогикалық қолдау орталықтарында оқытудың интерактивті нысандары мен әдістерін қолдану негізінде педагогтердің тиімді тәжірибелерін, инновациялық әдістемелерін және коммуникациялық-цифрлық технологияларын насихаттау және тарату.
Барлық қатысушылар жоғары нәтижелер көрсетіп, педагог-тәлімгерлердің кәсіби мәртебесін растады.
Байқау жүлдегерлері I, II және III дәрежелі дипломдармен, номинанттар – грамоталармен және бағалы сыйлықтармен марапатталады.
Әрбір қатысушы байқауға қатысқаны туралы сертификат алады.
