«Қ.Сәтбаев атындағы №2 орта мектеп»
КММ-де орталықтың әдіскер-психологы Кумарова А.Е., №8 емхана гинеколог-дәрігері Серікбекова Н.С. және жасөспірімдер ісі бойынша Затон полиция бөлімінің учаскелік инспекторы Карри К.Н. қатысуымен 8-10 сынып қыздарына арналған «Өзге үшін қамқор болу және өзіңді қалай қорғау керек» тақырыбында дәріс-практикум өткізілді. Дәріс-практикум Мира мен Гоша туралы «Жеке шекаралар» мультфильмінің көрсетілімінен басталды. Бұл мультфильмде адамдардың жеке шекараларының қалай бұзылатыны нақты көрсетілген.
Кездесу барысында қақтығыс пен зорлық-зомбылықты ажырата білу маңыздылығы туралы сөз болды. Зорлық-зомбылық — бұл қақтығыс емес. Ол әртүрлі болуы мүмкін: физикалық, эмоционалдық, психологиялық, сексуалдық. Зорлық-зомбылық — бұл сенің шекараларыңды бұзу.
Ал жеке шекаралар дегеніміз не? Жеке шекаралар — сенің комфортты кеңістігіңе деген құқығың, кінәлі болмастан «жоқ» деп айту қабілеті, манипуляциялар мен қысымнан қорғану тәсілі.
Дәріс барысында өз-өзіңді қорғаудың сөзбен айтылатын мысалдары келтірілді, олар өзіңді қалай және неге қорғау керектігін көрсетіп берді:
«Жоқ» деп қатты және сенімді айтуға үйрен: «Бұл мені ыңғайсыздандырады. Тоқта».
Манипуляцияларды анықта: «Мен «жоқ» деп айтудың себебін түсіндіруім қажет емес».
Қауіпті жағдайда дауыстап көмек сұра: «Көмектесіңіздер! Мені ұстамаңыз!»
Сондай-ақ «Менің жеке шеңберім» атты практикалық жаттығу жүргізілді. Қыздар шеңберді сызу және оны аймақтарға бөлу арқылы мыналарды байқады:
Шеңбердің ортасы — тек сен. Бұл ең маңызды ойлар, сезімдер мен шекаралардың орны.
Жақын аймақ — ең жақын адамдар (отбасы, достар), оларға сен толықтай сенесің.
Ортаңғы аймақ — таныс адамдар, оларға сөйлескенмен бәріне сенім артпаған жөн.
Сыртқы аймақ — қашықта орналасқан адамдар (мысалы, сыныптастар, әріптестер). Бұл жаттығу сенің қай жерде қауіпсіз сезіне алатыныңды және шекараларыңды қалай қорғау керектігін түсінуге көмектеседі.
Маңызды! Өзіңнің жеке шекараларыңды қорғауды үйрен! Басқаларға шекараларын қорғауға көмектесу арқылы сен әлемді қауіпсіз етесің. Батыл бол, сенімді бол!
