ОБЛЫС КОЛЛЕДЖ СТУДЕНТТЕРІНЕ АРНАЛҒАН “КҮЙЗЕЛІС БАҚЫЛАУДА”АТТЫ ТРЕНИНГ ӨТТІ
30 қаңтарда біздің Орталық базасында «Күйзеліс бақылауда» тренингтер кешені басталды. Бұл тренингтер жас адамдарға қиын өмірлік жағдайларға бейімделуге, күйзеліспен тиімді күресуге және қазіргі заманғы жағдайда позитивті көзқарас қалыптастыруға көмектесуге бағытталған.
Алғашқы тренингке «Зерек» колледжінің студенттері қатысты. Оқыту интерактивті әдістерді пайдалана отырып жүргізілді, қатысушылар рөлдік ойындарға, пікірталастарға және практикалық жаттығуларға белсенді қатысты. Бұл оқу үдерісін қызықты әрі тиімді етті.
Студенттер жеке қауіпсіздік негіздерін, күрделі күйзеліс жағдайларында әрекет ету әдістері мен алгоритмдерін меңгерді. Әсіресе, күйзеліс пен алаңдаушылық деңгейін төмендетуге көмектесетін релаксация және тыныс алу жаттығуларына ерекше көңіл бөлінді. Сонымен қатар, олар өз эмоцияларын тануға және басқаруға, жағымсыз сезімдермен күресуге және күрделі жағдайларда ресурстар табуға үйренді.
Іс-шара соңында қатысушылар тренингтен алған әсерлерімен бөлісті. Көпшілігі күйзелісті жеңу, жеке қауіпсіздікті арттыру және тәуелділіктерге қарсы тұру бойынша көптеген жаңа мәліметтер алғанын атап өтті.
